Шалқар ауданының әкімі Б.Н.Қаниевтің «Шалқар ауданының 2019 жылғы әлеуметтік-экономикалық дамуының қорытындылары және 2020 жылға арналған міндеттері туралы» есебі

Аудан әкімі Б.Н.Қаниевтің «Шалқар ауданының 2019жылғы әлеуметтік-экономикалық дамуының қорытындылары және 2020 жылға арналған міндеттері туралы» есебінің
ТЕЗИСТЕРІ
КІРІСПЕ
2019 жылы ауданда ҚР Тұңғыш Президенті - Елбасы, «Нұр Отан» партиясының төрағасы Н.Ә.Назарбаевтың партияның ХУІІІ съезінде төрт әлеуметтік жобалар бойынша берген тапсырмалары мен Мемлекет басшысының «Сындарлы қоғамдық диалог- Қазақстанның тұрақтылығы мен өркендеуінің негізі» атты Қазақстан халқына арналған Жолдауында айтылған міндеттер басшылыққа алынып,облыс басшысының серпінді экономикалық өсімді қамтамасыз ету жөніндегі тапсырмасына сәйкес жүйелі жұмыстар ұйымдастырылды. Өткен жылдың қорытындысымен ауданда белгіленген негізгі экономикалық көрсеткіштер мен бағдарламалар бойынша негізінен тұрақты даму қалыптастырылды.
2020 жылға да Елбасы, ҚР Президенті, облыс әкімі тарапынан атқарушы органдар алдына үлкен мақсат-міндеттер қойылып, тапсырмалар жүктелген. Осы тапсырмаларға қол жеткізу жолында айқындалған мақсаттар мен белгіленген міндеттер бойыншажұмыстар ұйымдастырылатын болады.
Аудан әкімінің жыл басындағы 12 ауылдық округте және қалада тұрғындар алдындағы есепті кездесулері кезінде халықтың өтініштері, ұсыныс-пікірлері, көтерілген түйінді мәселелер бойынша іс-шаралар жоспары жасалды. Іс-шаралар жоспарына 7 мәселе енгізіліп, оларды жүзеге асырудың жолдары белгіленді. Нәтижесінде бұл мәселелердің орындалуы бойынша тиісті шаралар алынып, шешімдерін тапты.
Бұл есепте ауданның өткен жылғы негізгі жетістіктері мен ағымдағы жылға қойылған міндеттер аталып өтіледі. Ауданда 2019 жылы төмендегідей негізгі экономикалық көрсеткіштер қалыптасты.
НЕГІЗГІ ЭКОНОМИКАЛЫҚ КӨРСЕТКІШТЕР
2019 жылдың 1 желтоқсанындағы статистикалық мәліметтер бойынша өнеркәсіптік өнім өндіру көлемі 16,1 млрд.теңгені құрады, нақты көлем индексі 98,7% , оның ішінде
- тау-кен өнеркәсібінде нақты көлем индексі–91,3 %,
- өңдеу өнеркәсібінде нақты көлем индексі 117,0%,
Ауыл шаруашылығында жалпы өнім көлемі 14,4 млрд.теңгені құрады, нақты көлем индексі105,2%, оның ішінде
- мал шаруашылығында нақты көлем индексі – 107,3 %.
- өсімдік шаруашылығында нақты көлем индексі–102,1 %.
Негізгі қорға тартылған инвестиция көлемі 18,3млрд.теңгені құрады, нақты көлем индексі79,6%.
Құрылыс жұмыстарының көлемі 8,7 млрд.теңгеге жетті, нақты көлем индексі 469,9%.
Жұмыс жасайтын шағын және орта бизнес субьектілерінің саны2039бірлікті құрады , өткен жылмен салыстырғанда 104,5%.
БЮДЖЕТ
2019 жылдың 1 желтоқсанынааудан бюджетінің кіріс бөлігінің болжамды көрсеткіштері 108,0 пайызға орындалып, 3064,5 млн.теңге түсті.
Салық салу базасын ұлғайту іс-шараларына сәйкес қосымша 168,8 млн.теңге салық түсімдері есептелінді. Қосымша салық түсімдерінің түсуінің нәтижесінде аудан шығыстарының көбеюіне қол жеткізілді.
Аудан бюджетінің шығыстарының есепті мерзімдегі нақтыланған жоспары жоғары тұрған бюджеттерден бөлінген трансферттер мен субвенцияны қосқанда 10406,8 млн. теңге, орындалуы 10380,5 млн. теңге болып, 99,7пайызға орындалды. Негізгі қаржыландыру білім саласына - 6876,8млн.теңге, әлеуметтік қорғауға –1102,1млн.теңге, мәдениет және спорт саласына- 363,1млн.теңге, тұрғын үй коммуналдық шаруашылығы және құрылыс саласына 762,9млн.теңге және т.б жұмсалды.
Міндеттері:
- Салықтар мен бюджеттік төлемдердің толық және уақтылы бюджетке түсуін қамтамасыз ету;
- Қосымша кіріс көздерін іздестірубойынша жұмыстарды жалғастыру.
- Бөлінген қаржыны уақтылы, толық игеруге жұмыс жүргізу
ӨНЕРКӘСІП
2019 жылдың 1желтоқсанынаөнеркәсіптік өнім өндіру көлемі16,1 млрд.теңге құрады, нақты көлем индексі 98,7 %.
Жалпы өнеркәсіп өнімінің 66,0 пайызын құрайтын тау-кен өнеркәсібінде нақты көлем индексі 91,3%.
Өңдеу өнеркәсібінде нақты көлем индексі 117,0%құрап, 4,7 млрд.теңгенің өнімі өндірілді.
Міндеттері:
- Өнеркәсіптік өнім өндіру көлемін өткен жылдың деңгейінен кемітпей, өсім қалыптастыру мақсатында тиісті шаралар қабылдау.
- Тоқтап тұрған кәсіпорындардың жұмыс жасауына қолдау көрсету
- Аудан өндірісінің тау-кен өнеркәсібі саласына тәуелділігін азайта отырып, өңдеу өнеркәсібін дамытуға жұмыстар жүргізу.
ИНВЕСТИЦИЯЛАР
2019 жылдың 11 айында негізгі қорға 18,3 млрд.теңге инвестиция тартылды. Нақты көлем индексі 79,6%. Оның ішінде, бюджеттік қаражаттар – 1,0млрд.теңге, кәсіпорындардың меншікті қаражаттары – 17,3млрд.теңге, басқа да несие және банк қаражаттары – 0,02млн.теңгені құрады.Өткен жылы «Өңірлерді дамытудың 2020 жылға дейінгі», , «Нұрлы жол», «Нұрлы жер»бағдарламалары аясында республикалық бюджеттен 191,9 млн.теңге , облыстық ,аудандық бюджеттерден 586,0млн.теңге қаржы бөлінді.Бюджеттен тыс қаржыға 220 млн.теңгенің 10 инвестициялық жобасы жүзеге асырылды.
Міндеттері:
-Экономиканың түрлі салаларына инвестиция тартып, нақты жобаларды жүзеге асыру мақсатында ірі кәсіпорындармен және кәсіпкерлермен жұмыстар жүргізу
-Ауданға тартылатын инвестиция көлемін ұлғайту үшін «Инвесторларға қызмет көрсету орталығымен» тұрақты байланыс жасау.
АУЫЛ ШАРУАШЫЛЫҒЫ
Ауыл шаруашылығы жалпы өнімінің көлемі 2019 жылдың 1 желтоқсанына14,4 млрд.теңгеге орындалып, нақты көлем индексі 105,2 %- ды құрады.Ауданда 9 ауыл шаруашылығы кооперативтері, 1 өндірістік кооператив, 491 шаруа қожалығы жұмыс жасайды.
Ауыл шаруашылығы құрылымдары салаға 233,1 млн.теңге инвестиция тартып, өткен жылдан 37,3% пайызға артық орындалды.
Есепті кезеңде «Етті мал шаруашылығын дамыту» бағдарламасы шеңберінде ауданның 6 шаруа қожалығы 505 бас асыл тұқымды мүйізді ірі қара сатып алуға несие құжаттарын тапсырып, оң шешімін тапты. Бүгінгі күнге 4 қожалық 167 бас МІҚ аналық басын сатып алды. Осы бағдарлама бойынша 14 шаруа қожалығы7390 бас асыл тұқымды қой сатып алды.
Бұған қосымша «Тұқымдық түрлендіруге» қатысушы шаруа қожалықтары облысқа қарасты асыл тұқымды мал өсірумен айналысатын шарушылықтардан 178 бас асыл тұқымды бұқалар әкеліп, өз табындарына қосты. Сондай-ақ, шаруашылықтарға 226 бас асыл тұқымды қошқарлар сатып алынды.
2019 жылы ауыл шаруашылық құрылымдарына мал шаруашылығын дамытуға 150,0 млн.теңге қолдау көрсетіліп, субсидиялар төленсе , инвестициялық салымдар кезінде кеткен шығынның 25-80 пайызына дейін өтеуге 73 ауыл шаруашылығы құрылымдарына 206,8 млн инвестициялық субсидиялары төленді.
«Қарапайым заттар экономикасы» жобасы шеңберінде 10 жоба қатыстыру тапсырмасы берілсе, бүгінгі күнге 12 жоба ұсынылып мақұлданды. Оның ішінде 2 шаруа қожалығы 70 бас түйе алуға 320,0 млн.теңге, 3 шаруашылық 145 бас МІҚ алуға 38,6 млн.теңге, 6 шаруашылық 173 бас жылқы алуға 66,5 млн.теңге, 1 шаруашылық 95 бас қой алуға 2,8 млн теңге несие алуда.
Осындай ауыл шаруашылығы бағдарламаларының жүзеге асырылуы нәтижесінде мал басының барлық түрінен де өсімге қол жеткізілді.
Мал азығын дайындау, мал бордақылау алаңдарына бұқашықтар тапсыру, шаруашылықтарға ұңғыма құдық қазу, дәстүрлі емес шаруашылықтарды дамыту тапсырмалары бойынша жоспарлы жұмыстар жүргізілді.
Өткен жылы «Нұралы» шаруа қожалығыРесейге7,9 тонна қой етін экспорттады.
Аталған қожалық құны 300,0 млн.теңгені құрайтын 5000 басқа арналған мал бордақылау алаңының құрылысын аяқтап, «Ірі мал бордақылау алаңы» статусын алу үшін құжаттары ауыл шаруашылығы министрлігіне жолданды. Сараптама нәтижесі шыққаннан кейін ауданның ауыл шаруашылығы құрылымдарынан бордақылауға мал қабылдап, селекциялық жұмыстарды жүргізу үшін асыл тұқымды бұқаларды жалға беру жұмыстарын жүргізетін болады.
Бозой ауылынан жеке кәсіпкер көлемі 0,04 га болатын жылыжай құрылысын аяқтады.
Өткен жылы шаруашылықтар «Қазагроқаржы» АҚ арқылы және өз қаржыларына 4 трактор, 6 шөп тайлағыш, 3 шөп шалғысы, 1 тіркеме, 2 шөп көтергіш, 3 тырма сатып алды.
Тұрғындарды жергілікті өнімдермен қамтамасыз ету және суармалы жерлерді көбейту мақсатында шаруа қожалықтары мен жеке тұрғындар505 га жерге картоп, көкөніс және бақша дақылдарынегіп,1904,1 тн. картоп, 3376,4 тн. көкөніс, 2274 тн. бақша өнімдері жиналды.
Шалқар көліне Арал ауданы «Камышлыбашский рыбопитомник» балық шаруашылығы кооперативінен 50,0 мың шабақтар әкеліп жіберілді.
Ветеринариялық-эпизоотиялық профилактикалық іс-шаралар жоспар бойынша жүргізіліп толықтай аяқталды. Мал ауруларына қарсы екпелер уақтылы жасалып, қауіпті ауруларды анықтау мақсатында диагностикалық тексерулер жүргізілді.
Апта сайын Шалқар қаласында ауыл шаруашылығы жәрмеңкелері өткізілді.
Міндеттері:
- Мал басы санын және ауыл шаруашылығы өнімдерін өндіруді тұрақты түрде өсіру
- Мал басын асылдандыру жұмыстарын жалғастыру
- «Етті мал шаруашылығын дамыту», «Қарапайым заттар экономикасы» бағдарламалары аясында несие алуға нәтижелі жұмыстар жүргізу
- Суармалы жерлерді көбейтіп, егіс көлемін ұлғайту.
- Ауылшаруашылық кооперативтерінің жұмыстарын жандандыру
- Е.Көтібарұлы ауылдық округінен 5000 басқа арналған мал бордақылау алаңын ашу
ЖЕРДІ ПАЙДАЛАНУ
Аудан аумағында жер қатынастарын реттеу, жер учаскелеріне құқық беру, жердің пайдаланылуы мен қорғалуын бақылау бойынша тиісті жұмыстар жүргізілді.
2019 жылы жеке тұрғын үй құрылысын салуға аудан бойынша 54 азаматқа жаңадан жер учаскелері бөлінді.
2016-2018 жылдар аралығында жеке тұрғын үй құрылысын салу үшін берілген 105 жер учаскесі құрылыс жұмыстары жүргізілмегендіктен мемлекет меншігіне кері қайтарылды .
Жаңадан ашылған 11 шаруа қожалығына 31,2 мың га жер учаскесі табыс етілсе, 19 шаруа қожалығына қосымша64,6 мың га жер учаскесі ауыл шаруашылығы өндірісін жүргізу үшін берілді.
Жабылған немесе жерлерін азайтқан 28 шаруа қожалығы 98,7 мың га жерінжәне 1 заңды тұлға 1,0 мың га жер учаскелерін ауданның босалқы жер қорына қайтарды.
Конкурстық комиссия отырысының қорытындысына сәйкесқайтарылып алынған жер учаскесінің 1,1 мың га «Бағдат» шаруа қожалығына және 1,0 мың га «Айка» шаруа қожалығына табыс етілді.
Аудан көлемінде ағымдағы жылы 3 конкурс өткізілді.
Кәсіпкерлік мақсаттарға 47 жер пайдаланушыға көлемі 51 га болатын 47 жер учаскесі сатылса, 126 жер пайдаланушыға 2,4 га жер учаскесі жалға берілді.
Міндеттері:
- Тиімсіз пайдаланып отырған жерлерді анықтау, қайтару және қайта айналымға енгізу
ШАҒЫН ЖӘНЕ ОРТА КӘСІПКЕРЛІК
Аудандағы шағын және орта кәсіпкерлік субъектілерінің саны 2147бірлікті құрады, оның ішінде жұмыс жасайтыны 2039 бірлік. Жұмыс жасаушы шағын орта бизнес субьектілері өткен жылмен салыстырғанда 104,5 пайызды құрады.
2019 жылдың 1 қазанына шағын және орта кәсіпкерлік субьектілерімен 9,5 млрд. теңгенің өнімі өндірілді.
Салада 3,8 мың адам жұмыс жасайды немесе экономикалық белсенді тұрғындардың 16,0 пайызын құрайды.
Жыл басынан бері барлық қаржыландыру көздерінен аудан кәсіпкерлері 1094,7 млн теңге несие алып, қызмет көлемдерін кеңейтіп, жаңа жұмыс орындарын ашуда.
Оның ішінде, «Бизнестің жол картасы-2020» бағдарламасы аясында 7жоба жүзеге асырылды. ( Субсидиялау арқылы - 4 жоба 199,0 млн теңге, кепілдендіру арқылы-2 жоба, кепілдік сомасы 45,5 млн.теңге, несие сомасы – 107,0 млн.теңге, грант 1 жоба-3,0 млн.теңге).
Бөлшек сауда айналымы 3,7 млрд.теңгеге жетіп, нақты көлем индексі 103,6 пайызды құрады.
Ауданда халық тұтынатын азық-түліктің бағалары облыс бойынша орташа деңгейде. Бағаны тұрақтандыру мақсатында бөлшек сауда кәсіпорындарымен меморандумдар жасалды. Жыл басынан бері 52 рет ауыл шаруашылығы жәрмеңкелері өткізіліп, 81,5 млн.теңгенің өнімдері халыққа базар бағасынан төмен ұсынылды.
Қаладағы азық түлікдүкендері жанындағы қоймаларда аудан халқына қажетті азық-түліктің жеткілікті қоры бар.
Жыл басынан бері 6 бөлшек сауда дүкені, 300 орындық мейрамхана, 1 қоғамдық монша, сұлулық салоны, шаштаразіске қосылды.
2018 жылғы «Шұғылалы Шалқарым» атты жерлестер форумы кезінде жасалған меморандумға сәйкес, Қауылжыр ауылынан 50 орындық балабақша құрылысы салынып пайдалануға берілді.
Міндеттері:
-Кәсіпкерлікті дамытуға бағытталған мемлекеттік бағдарламалар бойынша жұмыстарды жалғастыру, аудан тұрғындары арасында бағдарламалар шарттары мен механизмдерін кеңінен насихаттау.
- Ауданда өңдеу өнеркәсібін дамыту, оның ішінде мал шаруашылығы өнімдерін өңдейтін цехтар ашу.
- Әлеуметтік маңызы бар тауарларға бағаның негізсіз өсуіне жол бермеу мақсатында шаралар қабылдау.
ТҰРҒЫН ҮЙ-КОММУНАЛДЫҚ ШАРУАШЫЛЫҒЫ
Газбен жабдықтау
Жыл басына аудан тұрғындарының 85,2пайызын қамтыған қала және 11 елді мекен табиғи газды пайдаланып отыр.Тірек және спутниктік елді мекендерге, оның ішінде округ орталықтарын газдандыру бойынша жобалық сметалық құжаттар әзірлеуге тиісті орындарға ұсыныстар берілді.
Жобалық сметалық құжаттары дайын Бозой ауылының даму аймағына газ желілерінің құрылысы бойынша қаржы сұралып, облыстық басқармаға бюджеттік өтінім ұсынылды.
Газ шаруашылығы мекемесі тарапынан қолданыстағы газ құбырларына техникалық күтім жасалды, барлық жерасты газ құбырларының зақымдануына тексеру жұмыстары жүргізіліп, зақымданған газ құбырларына ағымдағы жөндеу жұмыстары жүргізілді.
Сумен жабдықтау
Өткен жылы республикалық және облыстық бюджеттен «Өңірлерді дамытудың 2020 жылға дейінгі » бағдарламасы аясында бөлінген 277,4 млн.теңге қаржыға Қотыртас елді мекенінің сумен жабдықтау желілеріне қайта жарақтау жұмыстары аяқталып, пайдалануға берілді.
Ауданда орталықтандырылған ауыз сумен қамтылған тұрғындардың үлесі 98,0 пайызды құрайды.1030 км, Көпмола, Жылан, Кеңдала, Қайдауыл, Ақтан батыр елді мекендерінің сумен қамту желілерін қайта жарақтауға, Мөңке би және Шалқар қаласының М.Шманұлы ауылындағы, Жангелдин поселкесіндегі даму аймағына, Бозой ауылының даму аймағына сумен жабдықтау желілерін салуғаәзірленген жобалық сметалық құжаттар бойынша республикалық, облыстық бюджеттен қаржыландыруға бюджеттік өтінімдер беріліп,алдағы 2020 жылға Мөңке би және Шалқар қаласының М.Шманұлы ауылына, Жангелдин поселкесіндегі даму аймағына жаңадан сумен қамту желілерінің құрылыстарына қажетті қаржы бөлініп, жұмыстары жүргізілетін болды.
Өткен жылы облыстық бюджет есебінен Бозой елді мекенінің кәріз желілерін қайта жарақтау жұмыстары басталды, алдағы жылы жалғасын табатын болады. Сонымен қатар, Қауылжыр ауылының кәріз желілерін қайта жарақтауға жобалық сметалық құжаттары әзірленіп, бюджеттік өтінім ұсынылды.
Халыққа су, жылу беру, кәріз желісі қызметімен қамтамасыз етіп отырған «Ұлы Борсық» КМК тарапынанжоспарлы жұмыстары жүргізіліп, теміржол бекеттері аралығындағы тозығы жеткен 250 м су желісі және қаланың газшылар қалашығындағы 10 м ақаба желісі алмастырылды. Ұңғылардың істен шыққан 13 дана насостары ауыстырылды. Қаланың даму аймағындағы су жүйелері мекеме балансына беріліп, 15 үй орталықтандырылған су жүйесіне қосылды.
Сонымен қатар, тарифтерді төмендету туралы аудан әкімінің тапсырмасына сәйкес, су беру қызметі бойынша баға 1 текше метр үшін 2,2 теңгеге, жылу беру қызметі бойынша 1 шаршы метр үшін 5,1 теңгеге төмендетілді.
Электрмен жабдықтау.
Ауданның елді мекендері электр энергиясымен толық қамтылған. Қаланың Жангелдин поселкесіндегі және Бозой ауылының даму аймағына электр желілерінің құрылысынаәзірленген жобалық сметалық құжаттар бойынша бюджеттік өтінім ұсынылып, алдағы жылы Жангелдин поселкесіндегі даму аймағына электр желілерінің құрылысына қаржы бөлініп, жұмысы жүргізілетін болды.
Сонымен қатар, Бозой ауылының ауылішілік электр желілерін қайта жарақтау жұмыстарына «Ауыл-Ел бесігі» жобасы аясында қаржы бөлу қарастырылуда.
Қала әкімдігі арқылы қаланың 19 көшесіне түнгі жарықтандыру жұмыстары жүргізіліп, барлығы 157 көше түнгі жарықпен қамтылды.
Электр энергиясымен жабдықтаушы мекемелер тарапынан жоспарлы күрделі жөндеу және эксплуатациялық жұмыстары жүргізілді.
Міндеттері:
- Барлық қаржыландыру көздерінен тұрғын үй коммуналдық шаруашылығы саласына бөлінген бюджеттік қаражаттарды толық игеріп, жұмыстарды сапалы жүргізу
- Қажет елді мекендерге кезең-кезеңмен газ, су желілері құрылыстарын салуға, қайта жарақтауға жобалық сметалық құжаттарын әзірлеуге және дайын жобалар бойынша қаржы сұрауға ұсыныстар беру
ЖОЛДАР
Ауыларалық және ауданішілік жолдардың жағдайы бүгінгі күннің басты мәселесінің бірі болып саналады.Аудандық маңыздағы Шалқар-Шетырғыз бағытындағы жолға аудандық бюджет есебінен жыл бойы күтіп ұстау жұмыстары жүргізілуде.
Соңғы жылдары қала көшелерін кезең-кезеңмен жөндеу жұмыстары жолға қойылып келеді. Өткен жылы аудандық бюджет қаржысына қаланың 5 көшесіне орташа жөндеу жұмыстары жүргізілсе, облыстық бюджет есебінен өңтүстік өткелден Шалқар-Ырғыз трассасына дейінгі айналма жолды орташа жөндеу жұмыстары жалғастырылды.Алдағы жылы бұл жұмыс аяқталатын болады. Бұған қосымша көшелерді орташа жөндеу жұмыстарын жалғастыруға жобалар дайындалды. Сонымен қатар,облыстық бюджет есебінен Шалқар-Бозой автожолын орташа жөндеу жұмыстары жүргізілуде. Алдағы жылы да аталған жолдың жөндеу жұмыстары жалғастырылады .
Міндеттері:
- Қалаішілік жолдарды жөндеуден өткізуді жалғастыру
- «Ауыл-Ел бесігі» жобасы аясында елді мекендердің кіреберіс жолдары және аудан орталығымен байланыстыратын жолдарды жөндеуге жоғары орындарға сұраныстар беру
ҚҰРЫЛЫС
2019 жылдың 11 айының қорытындысы бойынша құрылыс жұмыстарының көлемі 8,7млрд.теңгеніқұрады, нақты көлем индексі 469,9%.
Барлық қаржыландыру көздері есебінен 23860 шаршы метр тұрғын үй пайдалануға берілді, бұл өткен жылдың осы кезеңімен салыстырғанда 2263 шаршы метрге артық. Оның ішінде, 22991 шаршы метр жеке тұрғын үй, 869 шаршы метр жалдамалы –коммуналдық тұрғын үйлер. Республикалық және облыстық бюджет қаражатына қаладан2 пәтерлік 6 үйсалынып, 12 отбасы үйменқамтылу мүмкіндігіне ие болды. Сонымен қатар, 2 қабатты 8 пәтерлік тұрғын үй салуға жобалық сметалық құжаттары әзірленді.
Қала орталығындағы бұрынғы әкімшілік ғимараты аудандық бюджет есебінен қайта жарақталып, Аналар орталығы ашылды.
Міндеттері:
- Аудан көлемінде барлық қаржыландыру көздеріесебінен жүргізілетін құрылыс жұмыстарын анықтап, бақылауға алу және жалпы құрылыс жұмыстарының көлемін кемітпеуге жұмыстар жүргізу.
-Бюджеттен бөлінген қаржыға сәйкес қаладан және елді мекендерден жалдамалы-коммуналдық тұрғын үйлер құрылыстарын салуды жалғастыру және жаңа құрылыстарға арналған қосымша жобалық сметалық құжаттарын әзірлеу
- Жеке тұрғын үй салуға берілген жер учаскелерін бақылауда ұстап, уақытында салынуын қадағалау.
ЖҰМЫСПЕН ҚАМТУ ЖӘНЕ ӘЛЕУМЕТТІК ҚОРҒАУ
Есепті жылы ауданда жұмыспен қамтуға көмектесу жөніндегі кешенді шараларды жүзеге асырудың нәтижесінде 1625 адам тұрақты жұмыспен қамтылып, 1046 жаңа жұмыс орны ашылды.
Бағдарлама аясында қысқа мерзімді кәсіптік оқуға 255 адам жолданды.
Әлеуметтік жұмысқа 212адам, жастар практикасына 362 адам, қоғамдық жұмысқа 517адам, оның ішінде 309-ы «Жасыл ел» бойынша, жіберілді.
«Бастау-Бизнес» жобасы бойынша 314адам кәсіпкерлік негізде оқуға жіберілді. Шағын несие алу үшін құжат тапсыруға 175 адам жолдама алып, 139 адам 556,7 млн.теңге несие алды.
Бизнес идеяларды іске асыруға арналған мемлекеттік қайтарымсыз гранттар бойынша республикалық бюджеттен 100 айлық есептік көрсеткіш көлемінде (1 адамға-252500 теңге) 4 адамға 1,0 млн. теңге, 200 айлық есептік көрсеткіш көлемінде (1адамға-505000 теңге) 76 адамға 38,3 млн теңге гранттар берілді.
Есепті кезеңде 4 рет бос жұмыс орындар жәрмеңкесі ұйымдастырылып, нәтижесінде қатысқан 217 адамның 184-і жұмысқа орналастырылса, қалған азаматтарға түсіндіру жұмыстары жүргізіліп, кеңестер берілді.
Жоспарлы шараларды жүзеге асырудың нәтижесінде жалпы жұмыссыздық деңгейі 4,8 % , тіркелген жұмыссыздық деңгейі 1,1 % құрады.
846 отбасына 465,9 млн.теңге атаулы әлеуметтік жәрдемақы, 493 отбасына 7,0 млн.теңге тұрғын үй жәрдемі төленді.
Аз қамтылған отбасыларды тұрғын үймен қамту мақсатында жыл басынан бері 12 аз қамтылған отбасына тұрғын үй берілді. (тұрғын үй қорынан -2, аудандық бюджеттен-5,республикалық бюджеттен – 2, Бибі ана қорынан-1, жеке кәсіпкер есебінен-1, «Ел үлесі» жобасы бойынша-1. Сонымен қатар, мекемелердің, жеке кәсіпкерлердің қолдауымен 2939 отбасыларына 27,1 млн.теңгенің қайырымдылық көмегі көрсетілді.
Мүгедектерді оңалтудың жеке бағдарламасына сәйкес, 143 мүгедекке гигиеналық құралдар, 102 мүгедекке сүйемел таяқтар, 22 адамға кресло арбалар, 20 адамға сурдотехникалық құралдар, 41 адамға тифлотехникалық құралдар берілді және 30 адам Шымкентке «Көгершін» протез орталығына жолдама алды.
Міндеттері:
- «Нәтижелі жұмыспен қамту және жаппай кәсіпкерлікті дамыту» бағдарламасы аясында аудан тұрғындарын жұмыспен қамтуды жалғастыру
- Тұрғындарды жұмыспен қамту жоспарына сәйкес тұрақтыжұмыспен қамтуды қамтамасыз ету
- Аз қамтылған отбасыларға көмек көрсету және мүгедектерді сауықтыру, қажетті құрал-жабдықтармен қамтамасыз етуді жалғастыру
БІЛІМ БЕРУ
Ауданда білім саласын дамыту, білім ошақтарының материалдық жағдайын көтеруге бағытталған жүмыстар жүргізу әрдайым басым бағытта болып келеді.
Аудан бюджетінің басым бөлігі бағытталып отырған білім саласында 1500-нан астам жуық педагог-қызметкерлер балаларға білім мен тәрбие беріп келеді. Әрбір бала дұрыс білім алуы үшін білім беру мекемелері қазіргі заман талабына сай болуы тиіс.
Осыған орай, ауданда облыстық бюджет қаржысына Тоғыз елді мекеніндегі №7 орта мектебі және М.Шманұлы ауылындағы Сарқамыс негізгі мектебі құрылыстары аяқталып, пайдалануға берілді.Сонымен бірге, қаладағы №5 орта мектебіне 320 орындық жаңа мектеп құрылысын салуға жобалық сметалық құжаттары әзірленіп, алдағы жылы құрылыс жұмыстары басталатын болды.Қарашоқат елді мекенінен жаңа мектеп құрылысына жобалық сметалық құжаттар дайындалып, алдағы жылы аудандық бюджет есебінен құрылыс жұмыстары басталады. Қаладағы №1 және №3 орта мектептері 132,7 млн.теңге қаржыға күрделі жөндеуден өткізілді.№6,Ақтоғай,ГКС-12, Б.Сүлейменов, Т.Шанов атындағы орта мектептерін күрделі жөндеуге жобалық сметалық құжаттары дайындалып, «Ауыл-Ел бесігі» бағдарламасы аясында қаржыландыруға ұсынылды. Мектептердің материалдық техникалық базасын жақсарту мақсатында мектептерге компьютерлер мен пневматикалық мылтықтар алынып, №1 мектеп гимназиясына IT кабинеті жабдықталды. Мектептерге және балабақшаларға видеобақылау құрылғылары орнатылды. Бұл жұмыстар алдағы жылы да жалғасын табатын болады.
Аудандағы 26 балабақшада 1797 бала, 28 миниорталықта 922 бала тәрбиеленіп, мектепке дейінгі тәрбиемен қамту 1-6 жас аралығы 83,0% , 3-6 жас аралығы 100 % құрады. Жыл басында демеушілердің есебінен Қауылжыр елді мекенінен 50 орындық жаңа балабақша ғимараты салынып, пайдалануға берілді.
2019-2020 оқу жылында 23 орта, 7 негізгі, 5 бастауыш мектепте 8475оқушы білім алуда. 4 қосымша білім беру ұйымдарына 4340 бала тартылған.
Оқулықтар сатып алуға 98,9 млн.теңге бөлініп, 60534 дана оқулық сатып алынды.
Аз қамтылған отбасылардың 1820 баласына «Мектепке жол» акциясы бойынша 8,5 млн.теңге көмек көрсетілді.
«Жастар жылына» орай жергілікті бюджет есебінен 10-14 жас аралығындағы 40 оқушы Ақтау қаласына және ата аналардың демеушілігімен 30 оқушыы Түркістан қаласына экскурсияға жіберілді.
Оқушылардың патриоттық сезімін көтеру мақсатында №4 орта мектебінің 25 оқушысы Қобда ауданы Әлия мұражайына жіберіліп, ерекше әсермен оралды. Сонымен қатар «Алтын белгі» иегерлеріне Әлия мұражайына және Қобыланды батыр кесенесіне саяхаттар ұйымдастырылды.
Міндеттері:
-Құрылысы басталатын мектеп құрылыстарын мерзімінде аяқтап, бөлінген қаржыны толық игеруге жұмыстар ұйымдастыру.
- Білім беру мекемелерінің материалдық техникалық базаларынжақсартуды жалғастыру
- Мұғалімдердің біліктілігін, оқушылардың білім сапасын арттыру мақсатында тиісті шаралар қабылдау
- Білім берудің инновациялық бағдарламалары мен жаңа технологияларды енгізуді жүзеге асыру
ДЕНСАУЛЫҚ САҚТАУ
Денсаулық сақтау саласында аудан тұрғындарына аудандық орталық аурухана 75 керует орнымен, тәулігіне 250 адам қабылдайтын аудандық емханасымен , 7 дәрігерлік амбулатория, 3 фельдшерлік-акушерлік пункт, 19 медициналық пункт қызмет көрсетеді.
Ауданда денсаулық сақтаудың салалық бағдарламасы бойынша жоспарлы жұмыстары жүргізілуде.
2019 жылдың 1 желтоқсанындағы демографиялық көрсеткіштер бойынша 1 жасқа дейінгі балалар өлімі өткен жылдан 40 пайызға , туберкулезбен науқастану 43,8 пайызға көбейіп отыр.Ана өлімі фактісі орын алған жоқ.
Скринингтік тексерулер жоспарға сәйкес жүргізіліп отыр. Жыл басынан бері квота арқылы медициналық ем алуға Нұр-Сұлтанжәне Ақтөбе қалаларына 81 адам жолданса, телемедицина арқылы32кеңес алынды.
«Тегін медициналық көмектің кепілдік берілген көлемінің шеңберінде» стационар және амбулатория жағдайындағы науқастарға 77,7 млн.теңгенің дәрі-дәрмегі тегін берілді. Медицина мекмелерін материалдық техникалық жарақтандыру мақсатында 125,7 млн.теңгенің құрал-жабдықтары сатып алынды.
Байқадам, Қотыртас фельдшерлік акушерлік пунктерін күрделі жөндеуге, Жылтыр дәрігерлік амбулаториясының құрылысын салуға жобалық сметалық құжаттары әзірленіп, «Ауыл-Ел бесігі» жобасы аясында қаржыландыруға ұсынылды.
Медицина мекемелерін цифрландыру мақсатында «Кешенді медициналық ақпараттық жүйесі» бағдарламасы енгізіліп, қазіргі таңда барлық дәрігерлік амбулаториялар интернет желісімен қамтамасыз етіліп, бағдарламамен жұмыс жасауда.
2020 жылдан бастап міндетті медициналық сақтандыру жүйесі іске қосылуына байланысты, аудандық ауруханада медиажоспар жасалып, қала және ауылдық елді мекендерде медицина қызметкерлері үй аралап тұрғындар арасында ақпараттық түсіндіру жұмыстары жүргізілді. Нәтижесінде тұрғындардың халық регистрі бойынша тізімі нақтыланды.
Міндеттері:
- Демографиялық көрсеткіштерді жақсарту арқылы жоспарланған индикаторларға қол жеткізу
- Ана және бала өлімін болдырмау, туберкулез аурулығын азайту шараларын қабылдау
-Денсаулық сақтау мекемелерінің материалдық техникалық базасын жақсартуды жалғастыру
- Қажет елді мекендерде медициналық нысандар құрылысын салуға жобалық сметалық құжаттарын әзірлеуге ұсыныстар беру
- Міндетті әлеуметтік сақтандыруды енгізу бойынша жұмыстар жүргізу
- Ауданның медицина саласын цифрландыруға байланысты жұмыстарды одан әрі жүргізу
- Инсульт орталығының ашу жұмыстарын ұйымдастыру
- Компьютерлік томография жұмысын жандандыру
МӘДЕНИЕТ ЖӘНЕ ТІЛДЕРДІ ДАМЫТУ
Ауданда 35 мәдениет ұйымдары жұмыс жасайды. Есепті кезеңде тарихи және даталы күндерге арналған2570 мәдени шаралар ұйымдастырылып, 40,0 мыңға жуық адам қамтылды.
Өткен жылы облыстық бюджет қаржысына Бегімбет ауылынан 150 орындық клуб құрылысы салынып, іске қосылды.
Мәдениет ұйымдары мен кітапханалардың материалдық техникалық базаларын нығайтуға 18,0 млн.теңге қаржы жұмсалды. Аудандық мәдениет үйі 414 дана кресломен және музыкалық аппаратурамен, Бегімбет ауылдық клубы 60 көрермен орындығымен және музыкалық аппаратурамен, Қотыртас ауылдық клубы музыкалық аппаратурамен, орталық кітапхана коворкинг орталығымен жабдықталды және мәдениет үйлеріне ағаш үй мен 5 жылу қазандығы сатып алынды.
Аудандағы барлық мәдениет ошақтарында көркемөнерпаздар ұжымдарынан құралған әр түрлі жанрдағы үйірмелер жүйелі жұмыс жасап, облыс, республика деңгейіндегі байқаулар мен мәдени шараларға қатысып келеді. Алматы қаласында өткен «Жас өнерпаз» 1 республикалық байқауына Бершүгір ауылдық клубына қарасты «Назерке» би тобы қатысып, жүлделі І орынға ие болды. Аудандық мәдениет үйінің өнерпаздары Байғанин ауданында өткен Б.Тәжібаев атындағы театр фестивалі мен ән байқауына қатысып, ІІ,ІІІ орындармен марапатталды. Аудандық балалар кітапханасы «Үздік оқырман» облыстық байқауында І орынға ие болды
Аудандағы кітап қоры 213570 дана, оның ішінде мемлекеттік тілде 124006 дананы құрады.
Міндеттері:
- Мерекелік және саяси даталарға арналғаніс-шараларды ұйымдасқан түрде өткізу
- Мәдениет мекемелерінің материалдық техникалық базасын жақсарту
- Ауылдық клуб құрылыстарының жобалық сметалық құжаттарын әзірлеу
ДЕНЕ ШЫНЫҚТЫРУ ЖӘНЕ СПОРТ
Ауданда 155әр түрлі спорттық нысандарда тұрғындардың дене шынықтыру және спортпен айналысуына мүмкіндіктер жасалған.2019 жылы жалпы 11200 адамды қамтыған400-ге жуық спорттық-бұқаралық шаралар өткізілді.
Бұқаралық спортпен айналысушы тұрғындардың үлесі 35,2%ға ұлғайды.
Өткен жылы аудандық бюджет есебінен Байқадам, Қауылжыр, Шілікті, Бегімбет ауылдарындағы және №8 мектеп жанынан спорт алаңдары салынды. Жеке кәсіпкердің демеушілігімен дене шынықтыру сауықтыру кешені жанынан «Street workout» спорттық алаңы орнатылды.
Қалада В.Цеханович атындағы мамандандырылған балалар-жасөспірімдер спорттық ғимараты, дене шынықтыру сауықтыру кешені және «Отан» спорттық кешені жұмыс жасайды. В.Цеханович атындағы балалар-жасөспірімдер спорт мектебінде және №2 балалар-жасөспірімдер спорт мектебінде спорттың 9 түрімен 1065 бала, аула клубында спорттың 7 түрінен 2164 бала айналысады. Сонымен бірге, Мөңке би, Жылтыр, Қаратоғай, Бегімбет, Қауылжыр елді мекендерінде бокс секциялары, Бозой, Біршоғыр, Аққайтым елді мекендерінде грек-рим күресі, Шілікті, Тоғыз елді мекендерінде қазақша күрессекциялары жұмыс жасайды. Жалпы ауданда барлық спорт түрлері бойынша 310 секция жұмыс жасап, оларда 4353 бала шұғылданады.
2019 жылы 58 спортшыға спорттық атақтар мен разрядтар берілді.
Аудан спортшылары ұлттық спорт түрі көкпар және аударыспақтан облыста, республикада жоғары нәтижелерге қол жеткізді. Қобда ауданында өткен көкпар ойынынан аудан командасы жүлделі І орынды иеленсе, Ақтөбе қаласында өткен ұлттық спорт түрлерінен У республикалық фестивальде облыс намысын қорғап, үздік үштіктер қатарынан көрінді.
Облыстық қысқы ойындар спартакиадасында аудан командасы ІІІ орынға ие болды. Облыстық жазғы ойындар спартакидасы бойынша аймақтық жарыстарды жоғары деңгейде өткізгені және жүлделі орындарға ие болғаны үшін аудан кубокпен марапатталды.
Міндеттері:
- Дене шынықтыру және спортпен айналысушылардың үлесін өсіруді жалғастыру.
- Елді мекендерден ашық спорт алаңдарын салуға жұмыстар жүргізу
- Жастардың салауатты өмір салтын ұстануына және бос уақытын тиімді пайдалану мақсатында Шалқар қаласынан «workout» алаңдарын салуды жалғастыру
- Шалқар қаласынан дене шынықтыру сауықтыру кешендерінің құрылысына жобалық сметалық құжаттарын әзірлеу
ЖАСТАР САЯСАТЫ
Аудан көлемінде 14-29 жас аралығындағы жастар саны 11 822, яғни жалпы халықтың 25,7 % құрайды. Жастар орталығының ұйымдастыруымен жыл бойы түрлі санаттағы жастар мен бағыттарды қамти отырып 206 шара өткізіліп, 10396 жас қамтылды. Орталықтың ұйымдастыруымен өткізілген шаралардың барлығы БАҚ және әлеуметтік парақшаларда жарияланды.
Жастар ресурстық орталығы тарапынан жұмыссыз жастар мен жас отбасыларға заңгерлік-құқықтық, психологиялық көмектер берілуде.
«Жас кәсіпкер» жобасы арқылы 11 жастың 500 айлық есептік көрсеткіші мөлшерінде берілетін грант алуына ықпал жасалды және «Jasa»жобасына 13 жас қатысып, 4 топ 400,0 мың теңгеден ие болып, кәсіптерін ашуға бастама болды.
Елбасының Жолдауы бойынша 2019 жыл — Жастарды қолдау жылы болып жариялануына байланысты аудандық деңгейде жастар форумы өткізілді.
Өткен жылы жұмыспен қамту орталығы арқылы және Үлкен Борсық орман шаруашылығы мекемесі арқылы 309 жастар маусымдық жұмыспен қамтылды. Бұл мақсатқа 39,5 млн.теңге жұмсалды.Біріккен Ұлттар Ұйымының Даму бағдарламасы арқылы 40 жас субсидияланатын 3 айлық жұмысқа тартылды.
Міндеттер:
- Қолданыстағы бағдарламаларға, басқа да түрлі жобаларға қатыстыра отырып, жастардың жұмыспен қамтылуына ықпал ету
-Түрлі салаларда жастардың жаңа бастамаларын қолдана отырып, ауданның дамуына үлес қосу мүмкіндіктерін кеңейту
ҚОРШАҒАН ОРТА
Ауданда қоршаған ортаны қорғау, санитарлық тазалық мәселелері де назардан тыс қалмады.
Жергілікті өзін-өзі басқаруды дамыту есебінен қала және елді мекендерді абаттандыру, көгалдандыру және санитарлық тазалау жұмыстары тұрақты жүргізілді.
Қала және ауылдық елді мекендерді санитарлық тазалау, абаттандыру және жасыл желектендіру мақсатында 2 айлық өткізіліп, гүлдер егілді, жасыл желектер отырғызылып, жылдық жоспар артығымен орындалды.
Қала ортасындағы қайта жарақталған орталық саябақ көгалдандырылып, аудан тұрғындарының демалыс орнына айналды.
Жыл бойы 22 рет сенбіліктер өткізіліп, 5,1 мыңадам және65 техника жұмылдырылып,490тонна қоқыс-қалдықтар шығарылды.
Жазғы демалыс кезінде егілген талдарды күтіп-баптауға «Жасыл ел» көгалдандыру жасақтарында студенттер жұмысқа тартылды.
Аудандағы орман қоры 32,3 мың га аумақты құраса, оның ішінде орманмен көмкерілгені 5,6 мың га. 2019 жылы Тоғыз ауылдық округі аумағына «Боташ» бөлімшесіне 160 га жерге қара сексеуіл отырғызылып, өткен жылғы отырғызылған қара сексеуілге 67200 түп толықтыру жасалды.Қала маңына қорғаныстық жасыл жолақ отырғызу осы уақытқа дейін 80 гектарға жетті.Өткен жылы 5 га санитарлық жасыл белдеуге 7000 түп қара сексеуіл отырғызылып, жерсінуі 65 % болды.
Шалқар көлінің табанын тазарту мақсатында қоршаған ортаны қорғау және табиғи ресурстар басқармасы арқылы техникалық экономикалық негіздемесі жасалып, сараптама қорытындысы алынды. Қазіргі таңда тиісті басқармалар арқылы жобалық сметалық құжаттары әзірленуде.
Міндеттері:
-Қала және елді мекендерде санитарлық тазалық жұмыстарын жалғастыру
-Елді мекендердіжасыл желектендіру бойынша жұмыстар ұйымдастыру
- Қалалық саябақты абаттандыру және көгалдандыру жұмыстарын жалғастыру
ҚОҒАМДЫҚ САЯСИ ЖАҒДАЙ
Ауданда қоғамдық саяси жағдай тұрақты. Аудан әкімі жанындағы ақпараттық–насихаттық топ мүшелері ел Президенті Қ.Тоқаевтың Жолдауын, Үкіметтің іс-шаралары мен тапсырмалары, олардың ауданда жүзеге асырылуы туралы аудан тұрғындары арасында кеңінен насихаттауда. Бұқаралық ақпарат құралдарына жергілікті мемлекеттік органдардың басшыларының сұхбаттары жарияланып, Шалқар қаласының көшелерінде және елді мекендерде билбордтар орналастырылды.
Елбасының «Болашаққа бағдар: рухани жаңғыру» мақаласы бойынша «Туған жерге тағзым» акциясы аясында жыл бойы 101,2 млн.теңгенің 148 ірі және кіші жобалар жүзеге асырылды.
Ауданда 4 саяси партиялардың аудандық филиалдары жұмыс жасайды. Оның ішінде, «Нұр Отан» партиясының аудандық филиалы тарапынан аудан тұрғындарының сұраныс- тілектерін ескере отырып, түрлі іс-шаралар жүргізілуде.
Ауданда діни ахуалды тұрақтандыру, экстремизм мен терроризмнің алдын алу, дәстүрлі емес бағыттағы азаматтарды оңалту бағытында түрлі іс-шаралар ұйымдастырылды,10923 адам қамтылған түрлі форматтағы 241шара өткізілді.
Есепті кезеңде аудан көлемінде 8 теолог маман жұмыс жүргізді. Оның ішінде мемлекеттік әлеуметтік тапсырыс аясында 7 теолог маман арнайы шақыртылды. Шақыртылған теолог мамандарауданда кең көлемдегі түсіндіру жұмыстарын, сондай-ақ дәстүрлі емес дінді ұстанушылармен жеке кездесу жұмыстарын жүргізді.
Бұқаралық ақпарат құралдарына 1458 мақала жарияланып, 400 дана жаднамалар таратылды.
Осындай жұмыстардың нәтижесінде, өңірдегі діни ахуал тұрақтылығысақталды.
Міндеттері:
- Қоғамдық саяси жағдайдың тұрақтылығын сақтауға бағытталған жұмыстарды жалғастыру
СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ САЯСАТЫ
Қазақстан Республикасы Президентінің Ұлт жоспарын жүзеге асыру бойынша 100 нақты қадамның 13 қадамы жемқорлыққа қарсы күресті күшейту болып табылады. Қазақстан Республикасының 2015-2025 жылдарға арналған сыбайлас жемқорлыққа қарсы стратегиясының орындалуын іске асыру және сыбайлас жемқорлыққа төзбеушілік мәдениетті қалыптастыру мақсатында «Есіктен есікке» жобасы бойынша ауданның мемлекеттік мекемелері,қала және ауылдық округ әкімдіктері тарапынан сыбайлас жемқорлықтың алдын алуға бағытталған билборд және баннерлерадамдар көп жүретін орындарда ілінді. Сондай-ақ, осы тақырыпта түрлі іс-шаралар ұйымдастырылды. Мемлекеттік қызметшілер арасында бейнероликтер көрсетіліп, тұрғындарға жаднамалар мен инфографикалар таратылды. Бұқаралық ақпарат құралдарында мақалалар жарияланды.
Сонымен қатар «Сыбайлас жемқорлыққа қарсы іс-қимыл мәселелері жөніндегі» аудандық комиссиясы тұрақты жұмыс жасайды.
Ауданның барлық мемлекеттік мекемелерінде азаматтардың өтініштері мен шағымдарына арналған жәшік орналастырылған және «Сенім» телефоны жұмыс істейді. Заңды және жеке тұлғалардың өтініштері мен шағымдары міндетті түрде тіркеліп, заңды түрде есепке алынып жауап беру мезгілі тұрақты бақылауға алынған.
Ауданда мемлекеттік мекемелерде мемлекеттік сатып алулар тәртібі қолданыстағы заңнамаға сәйкес электронды түрде жүргізіледі.
Жер учаскелеріне, тұрғын үйге кезектілікке тұрған азаматтардың тізбесі және көрсетілетін тағы да басқа мемлекеттік қызметтер аудандық «Шалқар» газетіне жарияланып, аудан әкімдігінің сайтына орналастырылып, мемлекеттік мекеме ғимараттарында қол жетімді жерге орналастырылған.
Аудан әкімдігінің интернет-ресурсында сыбайлас жемқорлыққа қарсы іс-қимыл бойынша қызметтер туралы арнайы тарау жұмыс істеуде.
Атқарылған жұмыстардың нәтижесінде ауданда соңғы жылдарымемлекеттік қызметшілер арасында сыбайлас жемқорлыққа қатысты құқық бұзушылық фактілері анықталған жоқ.
Алдағы уақытта сыбайлас жемқорлыққа қарсы іс-қимыл, оны болдырмау және алдын алуға бағытталған жұмыстары жалғасын табатын болады.
Міндеттері:
-Ауданда сыбайлас жемқорлықтың алдын алуға бағытталған жұмыстарды жалғастыру
-Сыбайлас жемқорлық фактілерін болдырмау.
ҚОҒАМДЫҚ ҚАУПСІЗДІК ЖӘНЕ ҚҰҚЫҚТЫҚ ТӘРТІП
2019 жылдың 1 желтоқсанына тіркелген қылмыс саны 144болып, өткен жылмен салыстырғанда 68,2 пайыз құрады. Жалпы қылмыстың ашылу пайызы 86,1пайыз.
Тіркелген қылмыстың 52,1 пайызы ұрлық қылмысы болып отыр. Ауданда жалпы ұрлық саны өткен жылмен салыстырғанда 24 бірлікке, оның ішінде мал ұрлығы 7 бірлікке, пәтер ұрлығы6 бірліккеазайғаны байқалды.
Жол қауіпсіздігін, мүгедектер мен зағип жаяу жүргіншілер үшін қауіпсіз жол жағдайларын қамтамасыз ету мақсатында қаланың 25 көшесіне 34 км таңбалау жұмыстары жүргізілді және қала, ауылдық елді мекендер үшін жол белгілері сатып алынды.
Құқық бұзушылықтың жолын кесу, алдын-алу мақсатында қоғамдық орындарда, көшелерде кешенді полиция күштері шоғырландырылып, жұмыстар жүргізілуде.
Қаладағы құқық бұзушылықтың алдын алу мақсатында «Сартай» базары, «Алау» стадионы, М.Қоқанұлы мешіті тұсы, Шалқар-Ақтөбе трассасы, Әйтеке би және Жұбанов көшелері қиылысына 8 бейнебақылау камералары орнатылды. Алдағы жылы бұл жұмыс жалғасын табатын болады.
Құрамында жергілікті полиция инспекторлары, мекеме қызметкерлері, мектеп мұғалімдері бар топтар тұрақты түрде кешкі рейдтер ұйымдастырды. Бұған қосымша қала және елді мекендерде полиция қызметіне көмек ретінде 47 азамат қоғамдық негізде сарбаздар тізіміне алынып, жұмыс жасауда.
Міндеттері:
- Қылмыс деңгейін одан әрі төмендету шараларын алу
- Құқық қорғау мекемелерінің материалдық техникалық базасын нығайтуға жұмыстар жүргізу
ҚОРЫТЫНДЫ
Қаншама шаруа атқарылып, қанша жұмыстар жүргізілгені өткеніңе есеп берген кезде көрінеді. Ауданның өткен жылы жеткен жетістіктері үшін өткізілген әрбір іс-шара - атқарушы орындардың ұйымдастырған жұмыстарының нәтижесінде жүзеге асырылған әрбір шалқарлықтың еңбегі деп айтуға болады.
Ауданымызда өткен жылы біршама игі істер атқарылды. Елбасының, ел Президентінің Жолдауларын, облыс әкімінің тапсырмаларын басшылыққа ала отырып, ауданның аумағын дамыту бағдарламасын жүзеге асыру мақсатында ұйымдастырылған жұмыстардың нәтижесінде біздің аудан жақсы көрсеткіштерге қол жеткізіп келеді.
2020 жылы міндеттері мен бағыттары айқын түрлі мемлекеттік бағдарламалар, оның ішінде халықтың әл-аухатын тұрақты түрде көтеруге бағытталған «Нұрлы жол», «Нұрлы жер», «Өңірлерді дамыту» бағдарламалары, «Ауыл-Ел бесігі» , «Қарапайым заттар экономикасы» жобалары бойынша жұмыстар одан әрі жүргізілетін болады. Алдағы жылы да жоғары бюджеттерден ауданымызға қомақты қаржылар бөлінуде. Біздің міндетіміз - осы қаржыны толық игеріп, жұмыстарды сапалы жүргізу.
Алдымызға қойған міндеттер мен мақсаттар қолда бар мүмкіндіктерді пайдаланып ауданның одан әрі дамуына, даму жолына кедергі болатындай мәселелерді шешуге бағытталады.
Ауданның мүмкіншілігін толық іске асыру болашақта экономикалық өсімнің тұрақты қарқынын қамтамасыз етеді.
Аудан экономикасын дамытуда өндірісті, ауыл шаруашылығын, шағын және орта бизнесті дамытуға , әлеуметтік дамуға басымдықтар беру жалғасын табатын болады.
Осы игіліктер жолындағы халықтың ынтымағы мен бірлігі арқылы алдымызға қойылған міндеттердің де абыроймен орындалатынына сенім мол.