Жұмысқа орналастыру

Аудан бойынша 2017 жылдың 1 қазан айына жұмыссыздыққа тіркелген жұмыссыздардың саны 343 адам. Жұмыссыздық деңгейі 1,3 пайызды құрап отыр.
Еңбек» Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы шеңберінде :
Бірінші бағыт бойынша - қысқа мерзімді кәсіптік оқуға 190 оқытуға 37300.0 мың теңге жоспарланды.
Бүгінгі күнде 177 адам қысқа мерзімді кәсіптік оқытуға жіберіліп, 16278,0 мың теңгесі төленді.
Екінші бағыт бойынша - ауылдық елді мекендерге және шағын қалаларда микрокредит беруге қосымша 100.1 млн теңге қаржы бөлінді. Барлық бөлінген қаржы 285.2 млн теңге.
Шалқар ауданы бойынша несие алуға 98 адам жолдама алды. Оның 36 адамы 118,5 млн теңге несие алды.
Атамекен кәсіпкерлер палатасында «Бастау-Бизнес» жобасы бойынша кәсіпкерлік негізде оқуға 245 адам жоспарланған. Бүгінгі күнге 241 адам оқуға жіберілді. Оның 49 адамы несие алуға жоспарланған.
Қазіргі таңда «Бастау-Бизнесті» оқыған 15 адам 50700,0 мың теңге несие алды.
Үшінші бағыт бойынша - Жыл басынан бері аудан бойынша 196 жұмыссыз азаматтар қоғамдық жұмысқа жіберіліп, 44598,0 мың теңге айлық тағайындалып, төленді.
150 жас мамандар жастар тәжірибесіне жіберіліп, 53496,0 мың теңге, оның ішінде республикалық бюджеттен 8898,0 мың теңге, жергілікті бюджеттен 55434,0 мың теңге шәкіртақы тағайындалып, төленді.
212 адам әлеуметтік жұмыс орындарына тартылып, 23415,0 мың теңге, оның ішінде республикалық бюджеттен 20746,0 мың теңге, жергілікті бюджеттен 2669,0 мың теңге айлық тағайындалып, төленді.
Жыл басынан бері тұрақты жұмысқа 1065 адам орналасты. Жаңадан 893 жұмыс орны ашылды.
Жыл басынан 2 рет жәрмеңке ұйымдастырылып, 157 адам қатысып, 43 адам тұрақты жұмысқа орналасып, 97 адам кеңес алып, түсіндірме жұмыстары жүргізілді.
Шалқар ауданында жұмыс істейтін қызметкерлерінің еңбек құқықтары және кепілдіктерін қамтамасыз ету жөніндегі ынтымақтастық Меморандум бойынша 106 мекемелер мен ұжымдарда ынтымақтастық туралы келісімдер жасалды. Аудан бойынша 173 мекемелер мен ұжымдарда «Ұжымдық шарт» жасалынды.