Мекемелер желісі, ауыл халқы үшін жеңілдіктер

Білім саласында 23 орта, 7 негізгі, 6 бастауыш, барлығы 36 мектепте 8140 оқушы білім алып, 4 қосымша білім беру ұйымдарына 4337 бала тартылды. 141 тәрбиеленушісімен 3 мектеп жанындағы интернаттар жұмыс жасайды.(№6 , №7 және Бозой орта мектептері).
2016-2017 оқу жылын 46 оқушы «Алтын белгімен», 36 оқушы «Ерекше аттестаттпен» бітіріп шықты. Ұлттық бірыңғай тест қорытындысы бойынша орташа көрсеткіш 71,5 балл болып, өткен жылмен салыстырғанда 10,6 балл –ға төмендеді.
Аудандағы 26 балабақшада 1650 бала, мектеп жанынан ашылған 31 шағын орталықтарда 967 бала, барлығы мектепке дейінгі білім беру ұйымдарына 2617 бала тәрбиеленуде. Мектепке дейінгі тәрбиемен 1-6 жас аралығындағы балаларды қамту 81,0 пайызды, 3-6 жас аралығындағы балаларды қамту 100 пайызды құрайды.
Оқушылардың 18,4 пайызы, яғни 1503 бала азқамтылғандар қатарына жатады, олар толығымен ыстық тамақпен қамтылды.
Аудан бойынша ата-ана қамқорлығынан айрылған 43 бала және мүмкіндігі шектеулі 0-18 жас аралығындағы 253 бала есепте тұр.
№6, Бершүгір және ГКС-12 орта мектептеріне тасымал ұйымдастырылды.
2017 жылы облыстық пәндік олимпиадаға 45 оқушы қатысып, 7 оқушы жүлделі орындарға ие болса, 9 оқушы алғыс хатпен марапатталды.
Балалардың жазғы демалысы, сауықтырылуы, бос уақыттарын ұйымдастыруы бекітілген іс-шараларға сәйкес жүргізілді.
Облыстық бюджеттен бөлінген 16,3 млн.теңге қаржыға білім беру ұйымдарына 75 дана компьютер және 30,2 млн.теңге қаржыға интерактивті кешен сатып алынды.
Облыстық бюджет қаржысына Қаратоғай ауылындағы 120 орындық Қаратоғай орта мектебінің құрылысы аяқталып, пайдалануға берілді.
«Туған жерге тағзым» акциясы бойынша барлық мектептің түлектері 45,6 млн.теңге көлемінде көмек көрсетті.
«Дипломмен ауылға» бағдарламасы аясында білім саласының 3 маманына көтерме жәрдемақы және 2 маманына бюджеттік кредит берілді.